ბიოგრაფია: ელენა შილოვა რუსეთის პერმსკის ოლქის პროვინციულ ქალაქ სოლიკამსკში დაიბადა. სკოლაში გოგონა თეატრის ისტორიას, ვოკალს, ცეკვას და ხელოვნების სხვადასხვა დარგებს დაეუფლა. მან ჯერ კიდევ ბავშვობიდანვე გადაწყვიტა ხელოვნების მსახური გამხდარიყო. რადგან მსახიობის გვარ-მოდგმაში ამ პროფესიის წარმომადგენელი არავინ ყოფილა, მისი ნათესავები და ახლობლები გოგონას გადაწყვეტილებას გამხდარიყო ВГИК-ის სტუდენტი, არაერთგვაროვნად შეხვდნენ.
მსახიობმა 2012 წელს დაამთავრა სრულიად რუსეთის კინემატოგრაფიის სახელმწიფო ინსტიტუტი (мастерскую Фокина). თეატრალურ სცენაზე სადიპლომო სპექტაკლებში: «Точка зрения», «Хористка» и «Чайка» გამოჩნდა.

2011 წელს მისი კინოდებიუტი შედგა ლიუსის როლით მრავალსერიან პროექტში «Пончик Люся». ამ როლისთვის დამწყებ მსახიობს დიდად გარდაქმნა მოუწია. პლასტიკური ქირურგების დახმარებით ელენასთვის სახეზე დასადები სპეციალური ბალიშები შექმნეს. მისი სხეული კი - უფორმო სამოსელით დაფარეს. ინტერვიუზე მან განაცხადა: „ლუსია მე ძალიან მომწონს, რადგან ის ყოველთვის მხიარულია. მე მგონია, რომ ასეთებს ახლა იშვიათად შეხვდები“. ამის შემდეგ, ელენა სხვადასხვა პროექტებში მიიწვიეს და სცენიდან სწრაფად გადაინაცვლა კინოში. 

2014 წელს მან წარმატებით შეასრულა მთავარი როლი სერიალში «Сестра моя, любовь», რითაც მაყურებელთა სიმპათიები დაიმსახურა. ერთ-ერთ ინტერვიუში ჟურნალისტის შეკითხვაზე, “ჰყავს თუ არა მას მეგობარი ვაჟი“, მსახიობმა განაცხადა: „მე ჯერ ჩემს სიყვარულს არ შევხვედრილვარ!“ მსახიობი მეტისმეტად ბუნებრივია არამხოლოდ როლების შესრულებისას, არამედ ვიზუალურადაც. ის საერთოდ არ „იგრიმება“, რის გამოც მისით აღფრთოვანებულია რუსული პუბლიკა.
ვაჟა ჩომახიძე.

ფ ი ლ მ ო გ რ ა ფ ი ა:
2014 - Подмена в один миг. 
2013 – Незабудки. 
2013 – Васильки. 
2012 – Русалка. 
2012 - В ожидании весны. 
2011 - Медовая любовь. 
2011 – Испанец. 
2011 - Белая ворона. 
2010 - Белый налив. 
2009 - Предлагаемые обстоятельства. 

ს ე რ ი ა ლ ო გ რ ა ფ ი ა:
2014 - Сестра моя, Любовь.