ბიოგრაფია: უილიამ ჯონ ნისონი 1952 წლის 7 ივნისს დაიბადა კათოლიკურ ოჯახში, ჩრდილოეთ ირლანდიაში. მამა დარაჯი იყო, დედა მზარეული. სკოლის ასაკში იგი კრივით იყო გატაცებული და ლიამმა ცხვირიც კი გაიტეხა. ამას მსახიობისთვის ხელია არ შეუშლია მოეგო კრივის მოყვარულთა ჩემპიონატი. მეორე მისი გატაცება თეატრი იყო. სწორედ ამიტომ, როდესაც ლიამმა სკოლა დაამთავრა, იგი მონაწილეობას იღებდა მოყვარულთა დრამატულ წრეებში. ნისონმა განათლება ბელფასტის სამეფო უნივერსიტეტში მიიღო, საიდანაც იგი გამოაგდეს. ამის მიუხედავად, მოგვიანებით ლიამი მიიწვიეს ბელფასტის კოლეჯში მასწავლებლად. მასწავლებლის კარიერას ნისონმა მსახიობობა ამჯობინა და 1976 წლიდან მან თამაში დაიწყო ბელფასტის თეატრში 'Lyric Players'. რამოდენიმე წლის შემდეგ მსახიობი დუბლინში მიდის, სადაც მუშაობას იწყებს 'Abbey Theatre'-ში. სწორედ აქ შეამჩნია ნისონი რეჟისორმა ჯონ ბურმენმა. მან ლიამს მხედრის როლი შესთავაზა ფილმში ’Excalibur’ (1981). ნისონი მაინც თეატრის მსახიობად დარჩა, იმის და მიუხედავად, რომ მან 20-ზე მეტ ფილმში მიიღო მონაწილეობა. ამ პერიოდში მსახიობმა მიიღო მონაწილეობა შემდეგ ფილმებში: ”ბაუნტი” (1984), ”თუ დადგება ხვალინდელი დღე” (1986). ნისონის ნამდვილი კინოკარიერა დაიწყო 1990 წლიდან - სემ რეიმის ფილმი ”ბნელეთის ადამიანი ”, სადაც ლიამმა მთავარი როლი შეასრულა. ამის შემდეგ მას სულ შემოთავაზებები ჰქონდა სხვადასხვა პროექტებიდან. 1993 წელს ნისონმა მიიღო მონაწილეობა სტივენ სპილბერგის ფილმში ”შინდლერის სია”, სადაც მსახიობმა გერმანელი კომერსანტის როლი შეასრულა. ამ როლმა ლიამს ”ოსკარი” და ”ოქროს გლობუსი” მოუტანა. ნილ ჯორდანის ფილმმა ”მაიკლ კოლინზმა” მსახიობს ვენეციის ფესტივალის პრიზი მოუტანა. ლიამ ნისონმა ამის შემდეგ უამრავ პროექტში მიიღო მონაწილეობა: ”ნიუ იორკის ბანდები (2002)”, ”ბეთმენი–დასაწყისი (2005)”, ”სამოთხის ხუთი წუთი (2009)”, ” სამი დღე გასაქცევად (2010)”, ”ტიტანების ბრძოლა (2010)” და სხვა.