ბიოგრაფია: ესპანელი მსახიობი ამაია სალამანკა ფართო მაყურებლისთვის ცნობილია სერიალებით: „Sin tetas no hay paraíso“ – „მკერდის გარეშე სამოთხე არ არის“ და „Gran Hotel“ – „გრანდ სასტუმრო“. ამაიამ პირველი როლი სარეკლამო რგოლში კომპანია „Telecable“ - სგან მიიღო. იმავე პერიოდში, ასევე მონაწილეობდა Marco Aldany მარკო ალდანის გამოფენაზე „Blue Image“.

2006 წელს ამაია სალამანკა ტელევიზიაში მიიწვიეს სერიალში „SMS: Sin Miedo a Soñar“ - „შეტყობინება: შიშის გარეშე ოცნება.“ ეს სერიალი საკმაოდ პოპულარული იყო ესპანეთში და მისი გადაღებების დასრულების შემდეგ, მსახიობმა თავის კოლეგებთან, პაულ პენასა და მარია კასტროსთან ერთად, იგივე სახელწოდების საუნდთრეკი გამოსცა. 2008 წელს დაიწყეს ამაიას გადაღება ესპანური ადაპტაციის ტელესერიალში „მკერდის გარეშე არ არის სამოთხე“, სადაც მან კატალინას როლი შეასრულა.

2009 წელს იძულებული გახდა პროექტი დაეტოვებინა, რადგან თეატრალურ დადგმაში «მარკიზა დ’ო» მიიწვიეს. იმავე წელს გამოდის ფილმი „Fuga de cerebros“ –„ტვინის გადინება“, რომელიც ესპანეთში 2009 წლის ყველაზე პოპულარულ ფილმად აღიარეს. აქ მსახიობმა ნატალიას როლი ითამაშა ცნობილ ესპანელ მსახიობ მარიო კასასთან ერთად. წყვილმა როლები ბრწყინვალედ შეასრულა, რისთვისაც კინოკრიტიკოსების მოწონებაც დაიმსახურეს. ამასთან ერთად, ამ ორ ადამიანს ერთმანეთთან არა მარტო პროფესიული, არამედ რომანტიული ურთიერთობებიც აკავშირებდათ. გარკვეული დროის მანძილზე, ისინი ესპანეთის ყველაზე ლამაზ წყვილად ითვლებოდნენ.

2010 წელს მსახიობი დიდ ეკრანზე დაბრუნდა ფილმში „Tensión sexual no resuelta“ – „გაურკვეველი სექსუალური დაძაბულობა“, სადაც მან რებეკას როლი შეასრულა. 2011 წელს ამაია სალამანკა, 3D ფორმატით გადაიღეს პირველ ესპანურ საშინელებათა ფილმში „aranormal Xperience 3D“. ამავე წელსვე მსახიობი გადაიღეს ტელესერიალში „გრანდ სასტუმრო“, სადაც მან ალისია ალარკონის როლი შეასრულა. 

ფ ი ლ მ ო გ რ ა ფ ი ა: 
¡Atraco! (2012) ... Teresa
Webcam (2012) 
Paranormal Xperience 3D (2011) ... Ángela
No estás sola, Sara (2010) ... Sara
Tensión sexual no resuelta (2010) ... Rebeca / Carmen
¡Qué más quisiera yo! (2009) ... Policía
Fuga de cerebros (2009) ... Natalia

ს ე რ ი ა ლ ო გ რ ა ფ ი ა: 
Gran Hotel (2011) ... Alicia Alarcón
Frágiles (2011) 
Felipe y Letizia (2010) ... Letizia Ortiz
Sin tetas no hay paraíso (2008 -2009) ... Catalina
SMS, sin miedo a soñar (2006-2007) ... Paula
Los hombres de Paco (2005-2010) ... Cristina