ბ ი ო გ რ ა ფ ი ა: ჰიუ ლორი, ყველაზე უმცროსი ბავშვი იყო დოქტორ უილიამ ჯორჯ რენალდ მანდელას ოჯახში, ოთხ შვილს შორის. დედამისი - პატრისია - დიასახლისი გახლდათ და შვილების აღზრდით იყო დაკავებული. ჰიუ პრესტიჟულ კერძო სკოლებში სწავლობდა. ისეთებში, როგორიც იყო - ოქსფორდის Dragon School და Eton. დადიოდა შოტლანდიურ პრესვიტერიანულ ეკლესიაში.

1981 წელს მსახიობმა კემბრიჯის უნივერსიტეტი დაამთავრა მესამე კლასის ბაკალავრის ხარისხით ანტროპოლოგიისა და არქეოლოგიის განხრით. უნივერსიტეტში სწავლისას, იგი აქტიურად მონაწილეობდა სამოყვარულო თაეტრში «Footlights Dramatic Club». მასთან ერთად დადგმებში მონაწილეობდნენ მსახიობი-სტუდენტები: ემა ტომპსონი და სტივენ ფრაი, რომლებთანაც ერთად ჰიუ, წლები იმუშავებს თეატრსა და ტელევიზიაში.

1981 წელს ის აღნიშნული თაეტრის  პრეზიდენტად აირჩიეს. უნივერსიტეტის დამთავრების შემდეგ,  ლორი, ფრაი და ტომპსონი ერთად წერენ და დგამენ კომედიას «The Cellar Tapes», რის წყალობითაც კოლეგებმა პირველი თეატრალური ჯილდო მოიპოვეს და ასევე, საკონტრაქტო ხელშეკრულება გააფორმეს "ვესთ-ენდის" თეატრთან, სადაც სპექტაკლების ტელე-ტრასნსლაციები მიჰყავდათ 1982 წლის ჩათვლით.

წარმატებები და აღიარება მსახიობს, ტელეკრანებზე კომედიური სერიალის "Blackadder" გამოჩენის შემდეგ ხვდა წილად, რომლის ტრანსლაციაც 1985-1999 წლებში მიმდინარეობდა. სერიალში ლორი სხვადასხვა როლებს განასახიერებდა.აღნიშნულ პროექტში, მასთან ერთად, სტივენ ფრაი და როუენ ატკინსონი მონაწილეობდა.

ფრაისთან ერთად, ლორი აგრეთვე სატელევიზიო კომედიაში "ფრაისა და ლორის შოუ" იღებდა მონაწილეობას, რომელიც 1989- 1995 წლებში გადიოდა. პარალელურად ისინი 1990-1993 წლებში იუმორისტული მოთხრობების ბაზაზე შექმნილ ტელესერიალში "ჯივსი და ვუსტერი" იღებდნენ მონაწილეობას. ამ სერიალში ჰიუ, ქარაფშუტა არისტოკრატის ბერტ ვუსტერის როლს ასრულებდა, რის წყალობითაც, მსახიობმა უკეთ შეძლო თავისი სამსახიობო ნიჭისა და მანერების ტექნიკის გახსნა. სერიალში მუდმივად ჟღერდებოდა რეგტაიმის მუსიკა, რომელსაც თავად ჰიუ ლორი ასრულებდა. 

90 - იანი წლების შუა პერიოდიდან მსახიობმა კინოფილმებშიც დაიწყო გამოჩენა. თუმცა, პატარა როლების შესრულებით. 1995 წელს ლორი მელოდრამაში "Sense and Sensibility" (გონება და გრძნობა) გამოჩნდა, სადაც მისტერ ტომას პალმერის როლი შეასრულა. ამ ფილმმა "ოსკარი" და "ოქროს გლობუსი" დაიმსახურა საუკეთესო სცენარის ნომინაციაში. 

1996 წელს ჰიუ, რეჟისორ სტივენ ჰერეკის  ფილმში გადაიღეს ჯასპერის როლში, რომელიც ბრიტანელი მწერლის დოდი სმიტის რომანის "101 დალმატინელი" მიხედვით გადაიღეს. 1998 წელს კი - მსახიობმა სამეფო მრჩევლის როლი შეასრულა ალექსანდრე დიუმას (მამა) ნაწარმოების მოტივებზე გადაღებულ ფილმში "ადამიანი რკინის ნიღაბში".

2004 წელს მსახიობი იენის როლში გამოჩნდა რეჟისორ ჯონ მურის რემეიკში "ფენიქსის გაფრენა", რომლის დედანიც 1965 წელსაა გადაღებული რეჟისორ რობერტ ოლდრიჩემის მიერ. 
2000 წელს ლორი, რეჟისორ ბენ ელტონის  კომედიურ მელოდრამაში  "ყველაფერი შეიძლება, ბავშვო" მიიწვიეს მთავარ როლზე. 
2007 წელს დედოფალმა ელიზაბეტ II - მ,  მსახიობს ბრიტანეთის იმპერიის ოფიცრის ტიტული მიანიჭა. 

სხვათა შორის, ლორი წიგნებსაც სწერს. 1996 წელს გამოვიდა მისი რომანი "The Gun Seller", რომელიც ბეტსელერი გახდა. ამჟამად, იგი "ქაღალდის მებრძოლის" მეორე წიგნზე მუშაობს. 

მსახიობს ცნობილი აუდიო-წიგნებიც აქვს გახმოვანებული.

2004 წელს იგი იმ სერიალში მიიწვიეს მთავარ როლზე, რითაც ყველაზე მეტად დაამახსოვრდა არამარტო ქართველ მაყურებელს. ეს გახლავთ სერიალი "დოქტორი ჰაუსი". 

ამ ამერიკულ პროექტში, ის მაღალოსტატურად ანსახიერებს პირქუშ, მაგრამ გონებამახვილი მიზანტროპი დოქტორის, ჰაუსის როლს. ნამდვილი დიდება მსახიობს, სწორედ ამ პროექტმა მოუტანა. იგი იმდენად ოსტატურად საუბრობდა ამერიკული აქცენტით, რომ მრავალ მაყურებელთან ერთად კარგა ხანს, თავად პროდიუსერიც ვერ მოვიდა აზრზე, რომ მსახიობი ინგლისში დაბადებული და აღზრდილი იყო.

სკოლაში სწავლისას ლორი გატაცებული იყო აკადემიური ნიჩბოსნობით, მამამისიც ამ სპორტს მისდევდა და დიდ წარმატებებსაც მიაღწია. 1977 წელს ჰიუმ დიდი ბრიტანეთის ახალგაზრდული ჩემპიონატი მოიგო, რის შემდეგაც მსოფლიო ჩემპიონატის ახალგაზრდულ ნაკრებში მიიწვიეს. აქ ის თავის პარტნიორთან ერთად, მეოთხე ადგილზე გავიდა. ჰიუ აკადემიური ნიჩბოსნობის ლეგენდარული Leander Club - ის,საპატიო წევრია, რომლის პრეზიდენტიც წლების მანძილზე მამამისი იყო.

სკოლაში სწავლისას ჰიუ სასკოლო ორკესტრის დრამერი იყო. ის უკრავს პიანინოზე, გიტარაზე და ჰარმონიკაზე. იგი გრეგ გრიუნბერგის როკ-ჯგუფში  «The Band from TV» უკრავს და დროდადრო საქველმოქმედო კონცერტებში ღებულობს მონაწილეობას. 90-იან წლებში ის ასევე, ჯგუფში: R'n'B, «Poor White Thrash» გამოდიოდა. 
პ ი რ ა დ ი: 1989 წლის 16 ივნისს მსახიობი, ჯო გრინზე, "Hampstead Theatre и National Theatre" - ს  ყოფილ ადმინისტრატორზე დაქორწინდა, რომელიც მან თავისი აგენტის შემწეობით გაიცნო. მათ სამი შვილი ჰყავთ: ჩარლზ არჩიბალდ ლორი, რომელიც 1988 წელს დაიბადა, უილიამ ალბერტ ლორი - 1991-ში დაბადებული და ნაბოლარა ავგუსტა ლორი 1993 წელს დაბადებული. სამივე ბავშვის ნათლიაა - მსახიობი სტივენ ფრაი.