ბიოგრაფია: ნინა დობრევი დაიბადა ქალაქ სოფიაში, ბულგარეთში, პროგრამისტებისა და მხატვრების ოჯახში. მას ჰყავს უფროსი ძმა ალექსანდრე. როცა მას ორი წელი შეუსრულდა ოჯახი საცხოვრებლად გადავიდა კანადაში და დასახლდა ტორონტოში, ontario. ბავშვობიდანვე ის ხელოვნების მიმართ დიდ ყურადღებას იჩენდა. დაინტერესებული იყო თეატრით, მუსიკით, გამომგონებლობითი ხელოვნებით, ცეკვებით, ტანვარჯიშითა და სამსახიობო ოსტატობით. თავდაპირველად ნინა სწავლობდა J.B. Tyrrell Sr. Public School სკოლაში, შემდეგ კი Wexford Collegiate School for the Arts-ის სკოლაში. აქვე ირწმუნა მან, რომ მისი მოწოდება მსახიობობა იყო. მოგვიანებით ნინა ჩაირიცხა დინა არმსტრონგის სამსახიობო სკოლაში, სადაც ის ბევრმა სააგენტომ შეამჩნია.

Wexford Collegiate School for the Arts-ის შემდეგ ნინა ჩაირიცხა Ryerson University-ის უნივერსიტეტში სოციოლოგიის ფაკულტეტზე, რომელიც დატოვა 2008 წელს, რათა თავისი მომავალი მიეძღვნა სამსახიობო კარიერისთვის. ნინამ სამსახიობო კარიერა დაიწყო კანადურ მოზარდთა სერიალში “მომდევნო თაობა“. ამის შემდეგ ითამაშა უმნიშვნელო როლები ფილმებში: „შორს მისგან“ და „როგორ მოძრაობს ის“. 2007 წლიდან მან ბედი სცადა ტელესერიალებში: „სიყვარული ბრძოლის ხაზზე“, „ქორწინებისთვის ძალიან ახალგაზრდაა“, „ნამსხვრევები“, „მკვლელი“. 2009 წელს მან მოიპოვა მთავარი როლი ამერიკულ სერიალში „ვამპირის დღიურები“. ამ როლის შესრულებისთვის იგი დაჯილდოვდა 4 Teen Choice Awards-ით, და 2 პრემიით „ხალხის არჩევანი“. შოუს გადაღებებს შორის შესვენებისას ნინამ მეორე ხარისხოვანი როლები ითამაშა 2011 წელს ფილმებში: „მეზობელი ოთახში“ და „არენა“; 2012 წელს ფილმში „კარგი იქნებოდა მშვიდი კაცი“.