ბიოგრაფია: შრადჰა კაპური 1989 წლის 3 მარტს დაიბადა ცნობილი ინდოელი მსახიობის შაკტი კაპურისა და მომღერლის შივანგი კაპურის ოჯახში. გოგონა ოჯახის რიგით მეორე შვილი იყო. მისი უფროსი ძმა სიდჰანტი, ადრე დიჯეი და რეჟისორის ასისტენტი გახლდათ. შემდეგ მან, ფილმებშიც დაიწყო გადაღება - 2013 წელს მისი დებიუტი შედგა ფილმში „სროლები ვადალაში“. შრადჰა, მუმბაიში - Jamnabai Narsee - ის კერძო სკოლაში სწავლობდა, შემდეგ კი -ბოსტონის უნივერსიტეტში თეატრალურ განყოფილებაზე მოეწყო, მაგრამ პირველი კურსიდან თავი დაანება სწავლას, რათა სამსახიობო ხელოვნებას დაუფლებოდა. შრადჰა კაპური არის ბოლივუდის ცნობილი მსახიობის, პადმინი კოლჰაპურეს ნათესავი.

მისი დებიუტი 2010 წელს შედგა ფილმში „ბანქოს სამი ბარათი“, სადაც თამაშობდა ისეთ ცნობილ მსახიობებთან, როგორიცაა: ამიტაბჰ ბაჩანი, მადჰავანი და რაიმა სენი. მიუხედავად იმისა, რომ ფილმი კინო გაქირავებაში ჩავარდა, კაპური მაინც გავიდა ქალის როლის საუკეთესო დებიუტში Filmfare Award. ავტორიტეტული გამოცემის Itimes გამოკითხვის მიხედვით, გოგონამ მესამე ადგილი დაიკავა „წლის ყველაზე ცხელ დებიუტანტებს“ შორის. 2011 წელს გაქირვებაში გამოვიდა ფილმი „სიყვარულის დასასრული“, სადაც შრადჰა მთავარ როლს ასრულებდა. მაყურებლებს ფილმი არ მოეწონათ. მაგრამ, მიუხედავად ამისა, მსახიობმა კრიტიკოსებისგან დიდი ქება დაიმსახურა მის მიერ შესრულებული როლის გამო. ის კი არა და - ამ ფილმში რეის როლის შესრულებისთვის, მან 2012 წელს - Stardust Awards-ის პრემია მიიღო, როგორც „საუკეთესო მსახიობმა.“

2013 წელს გაქირავებაში გამოდის მოჰიტა სურის რომანტიული მუსიკალური დრამა - „სიცოცხლე სიყვარულის სახელით 2“, სადაც მთავარ როლებში შრადჰა კაპური და ადიტ როი კაპური მოგვევლინა. სურათმა დიდი შემოსავალი 18 მილიონი შშშ-ის დოლარი მოიტანა. ეს მსახიობისთვის პირველი კომერციული წარმატება იყო. Filmfare Awards- მა ის ამ ფილმში „საუკეთესო მსახიობად“ აღიარა. იმავე წელს, მსახიობი მოწვეული ვარსკვლავის რანგში გვევლინება ფილმში „ლამაზო, შენ ჩემი სიყვარული ხარ!“ ამ ფილმში ის მთავარი გმირის, იმრან ხანის საცოლეს როლს ასრულებდა.

2014 წელს შრადჰა, სიდჰარტ მალჰოტრთან ერთად, მოჰიტ სურისთან განაგრძობს მუშაობას ფილმზე „ბოროტმოქმედი“. ამას გარდა, ფილმისთვის მსახიობმა სიმღერა «Galliyan» შეასრულა. ფილმმა დიდი შემოსავალი, 16 მილიონი ამერიკული დოლარი მოიტანა. 2014 წლის ივნისში შრადჰამ დაასრულა მუშაობა ფილმის შექსპირის „ჰამლეტი“ – „ჰაიდერი“ თანამედროვე ადაპტაციაზე, რომელშიც აგრეთვე შაჰიდ კაპური და ტაბუ თამაშობდნენ. იმავე წლის ზაფხულში, მსახიობმა ასევე მონაწილეობა მიიღო ფილმში „ყველას შეუძლია ცეკვა“, სადაც მისი მეწყვილე იყო მსახიობი ვარუნ დჰავანი. კინოინდუსტრიაში მუშაობასთან ერთად, მსახიობი საქველმოქმდო საქმიანობის მხარდამჭერია და სცენურ შოუებში ღებულობს მონაწილეობას. 2011 წელს იგი მოდის კვირეულის პოდიუმზე გამოვიდა, რომლის ორგანიზატორიც ცნობილი ინდური კოსმეტიკური კომპანია Lakme იყო. ასევე წარადგა იგი India International Jewellery Week-ის სამკაულების ჩვენებაზე. 2013 წლის ბოლოს, ინდოეთის FHM- ის მიერ ჩატარებულ გამოკითხვაში "100 ყველაზე სექსუალური ქალი მსოფლიოში 2013", მსახიობი მე - 5 ადგილზე გავიდა.
ვაჟა ჩომახიძე.

მიღებული ნომინაციები და ჯილდოები: 
2010 - Lions Gold Awards. 
2011 - Filmfare Awards. 
2012 - Stardust Awarars. 
2013 - Hello! Hall of Fame Awards. 
2013 - BIG Star Entertainment Awards. 
2013 - Big STAR Entertainment Awards. 
2013 - Big STAR Entertainment Awards. 
2014 - Lions Gold Awards. 
2014 - Screen Awards. 
2014 - Screen Awards. 
2014 - Screen Awards. 
2014 - Star Guild Awards. 
2014 -Filmfare Awards. 
2014 - Zee Cine Awards. 

ფ ი ლ მ ო გ რ ა ფ ი ა: 2010 - Teen Patti
2011 - Luv Ka The End
2013 - Aashiqui 2
2013 - Gori Tere Pyaar Mein (Guest appearance) 
2014 - Ek Villain (also Playback Singer for the song"Galliyan")
2014 - Haider 
2014 - Ungli
2015 - ABCD 2
2015 - Rock On 2 ! 

ს ე რ ი ა ლ ო გ რ ა ფ ი ა: 1998 – C.I.D.