ბ ი ო გ რ ა ფ ი ა: კანადელი მსახიობი, ტელევიზიისა და ხმის რეჟისორი, «ემის» პრემიის გამარჯვებული (2016 წელს) და ორჯერ «ჯემინის» პრემიის გამარჯვებული (2009,2010 წელს) - ტატიანა გაბრიელა მასლანი, დაიბადა 1985 წლის 22 სექტემბერს ქალაქ რეჯინაში, სასკაჩევანი, კანადა. 

ტატიანა მასლანი არის: შერეული წარმოშობის მსახიობი. მის ძარღვებში სჩქეფს: ავსტრიულ-გერმანული, რუმინულ-პონოლური და უკრაინული სისხლი. ალბათ, სწორედ ამიტომაც არის გოგონა ასე სიცოცხლის უნარიანი და შესაშურად სექსუალური. მისი მშობლებია: დემ მასლანი და რენეტა მასლანი. ტატიანა ბავშვობაში გატაცებული იყო ცეკვებით და სისტემატურად გამოდიოდა სკოლის თეატრში.

მსახიობმა 2003 წელს დაამთავრა კათოლიკური სკოლა, სადაც ბევრ თეატრალურ დადგმებში ღებულობდა მონაწილეობას. 

2000-იანი წლებიდან იგი მრავალ კანადურ ტელეშოუსა და ფილმებში გამოჩნდა. კინოში მისი დებიუტი 2003 წელს შედგა, სადაც მან მოკლემეტრაჟიან ფილმში " The Recital "ითამაშა პატარა როლი.

მისი სამსახიობო კარიერა დაიწყო მცირე როლებით კანადის სატელევიზიო საბავშვო გადაცემებით, ითამაშა რამოდენიმე როლი ფილმში, როგორიცაა: « Ginger Snaps 2: Unleashed » (2004), « Diary of the Dead » (2007), « Flash of Genius » (2008) და « Hardwired » (2009), ასევე ითამაშა კანადის სატელვიზიო ფილმებშიც. 

მთავარი როლები შეასრულა კინომოყვარულთათვის აამდე უცნობ ფილმებში: « Major Movie Star » (2009) და « Picture Day » (2012). იგი ნომინირებული იყო კანადის პრემიაზე "ჯინი". ამასთან, დამატებით მან "ჯემინის" ორი პრემია მიიღო ტელევიზიაში წარმატებული მუშაობისთვის. ასევე, მსახიობმა "სანდენსის" კინოფესტივალის ჟიურის სპეციალური პრიზი მიიღო მხატვრულ ფილმში: « Major Movie Star » მთავარი როლის შესრულებისთვის.

მსახიობის საკარიერო გარღვევას წარმოადგენს გახმაურებული სერიალი «იდუმალი ობოლი», რომელშიც იგი მრავალ პერსონაჟს ანსახიერებს, როგორც უარყოფითს, ისე - დადებითს. 
ამ პროექტში შესრულებული როლებისთვის მან მიიღო "დრამაში პირადი მიღწევებისთვის ტელევიზიის კრიტიკოსთა ასოციაციის" პრემია. ხოლო, 2014 წელს ნომინირებული იყო პრემიაზე "ოქროს გლობუსი", როგორც "ქალის როლის" საუკეთესოდ შემსრულებელი მსახიობი სერიალსა და დრამაში. 

2015 წელს კი - "ემის" პრემიით დააჯილდოვეს ქალის როლის საუკეთესოდ შესრულებისთვის. 2016 წელს მსახიობი "ამრეკული ტელევიზიის უმაღლესი პრემიით "ემი", დააჯილდოვეს სერიალში "იდუმალი ობოლი", ქალის როლის საუკეთესოდ შესრულებისთვის.
მიუხედავად იმისა, რომ ეს ტელესერიალი კანადური პროექტია, იგი წარმატებით გადის ახალგაზრდულ ტელეარხზე BBC America. 
პირველი ცნობადობა მსახიობმა კანადურ თინეუჯერულ სერიალში Renegadepress.com შესრულებული როლით მოიპოვა. 2005 წელს იგი ამ სერალით "ჯემინის" პრემიაზე წარადგინეს. მოგვიანებით მან, როგორც მიწვეული მსახიობის რანგში, სერიალში "Flashpoint" შესრულებული როლისთვის მიიღო პრემია. 

მსახიობი მეორე ხარისხოვან როლებსაც ისეთივე წარმატებით ასრულებს, როგორც მთავარ როლებს. ამ მხრივ გამოსარჩევია ისეთი სურათები, როგორიცაა: «The Messengers» (2007), «Diary of the Dead» (2007), «Flash of Genius» (2008), «Hardwired» (2009) и « The Vow » (2012). 

პ ი რ ა დ ი: 2011 წლიდან ტატიანა მასლანი მსახიობ ტომ კალენს ხვდება. მათ ერთმანეთი გაიცნეს ტელესერიალ «World Without End» მეოთხე სეზონის გადაღებებისას. ამჟამად, წყვილი ტორონტოში, ონტარიოს პროვინციაში ცხოვრობს.